विद्युत आपूर्ति : प्राधिकरण : ६६५३ मे.वा.घन्टा / निजी क्षेत्र : ६४०६ मे.वा.घन्टा / आयात : ८७५० मे.वा.घन्टा / ट्रिपिङ : मे.वा.घन्टा / ऊर्जा माग : २१८०९ मे.वा.घन्टा/ उच्च माग : ११८० मेगावाट मे.वा.घन्टा/ निर्यात : मेगावाट
×

अपि पावरले २९ प्रतिशत हकप्रद सेयर जारी गर्न बोर्डको अनुमति पायो

२०७८ ब‌ैशाख २०

काठमाडौं । जलविद्युत तथा सौर्य ऊर्जामा लगानी गर्दै आएको अपि पावर कम्पनीले २९ प्रतिशत  (१ः०२९ अनुपात) हकप्रद सेयर जारी गर्न अनुमति पाएको छ । नेपाल धितोपत्र बोर्डले कम्पनीलाई दोस्रो चरणको हकप्रद सेयर जारी गर्ने अनुमति दिएको हो ।

बोर्डको अनुमति पाएसँगै कम्पनीले अब आफ्ना लगानीकर्ताका लागि ५६ करोड ७० लाख रुपैयाँ मूल्यको ५६ लाख ७० हजार कित्ता हकप्रद सेयर निष्कासन गर्नेछ । केही दिनमै हकप्रद सेयर निष्कासनकाे मिति सार्वजनिक गरिने कम्पनीले जनाएकाे छ ।

कम्पनीका अनुसार हकप्रद सेयर बिक्रीबाट संकलन भएको रकम निर्माणाधीन सौर्य विद्युत तथा जलविद्युत आयोजनामा लगानी गरिने छ ।कम्पनीले यसअघि गत कात्तिक १४ देखि मंसिर ४ गतेसम्म पहिलो चरणमा ४७ प्रतिशत (१ः०४७ अनुपात) हकप्रद सेयर निष्कासन गरेको थियो ।

कम्पनीले अहिले दार्चुलामा ४० मेगावाटको माथिल्लो चमेलिया जलविद्युत आयोजना निर्माण गरिरहेको छ । यो आयोजनाको ३० प्रतिशत बढी निर्माण पूरा भइसकेको छ ।

यस्तै, रौतहटमा ४ मेगावाटको चन्द्रनिगाहपुर सौर्य विद्युत आयोजना पनि निर्माण गरिरहेको छ । यो सौर्य विद्युत आयोजनाबाट बैशाखभित्रै विद्युत उत्पादन सुरु हुँदैछ ।

१/१ मेगावाटका २  सौर्य विद्युत आयोजनाको निर्माण चाँडै सुरु हुँदैछ । यसअघि निर्माण पूरा भएका साढे १६ मेगावाटका २ जलविद्युत आयोजना सञ्चालनमा छन् ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit