ऊर्जा खबर
काठमाडौं । हिमालयन हाइड्रो पावर कम्पनीको सेयर आवेदन दिने आज अन्तिम दिन हो । कम्पनीले कास्कीको मादी खोलामा १२ मेगावाटको नामार्जुन मादी जलविद्युत आयोजनाको सर्वसाधारणका लागि असार १५ गतेदेखि खुल्ला गरेको सेयर आवेदन अवधि आज साँझ ५ बजेबाट सकिन लागेको हो ।
कम्पनीले सर्वसाधारणका लागि आयोजना प्रभावित स्थानीय बासिन्दालाई छुट्याएको सेयर निष्कासन गरी बिक्री हुन बाँकी रहेको ६ लाख १९ हजार २५० कित्ता सहित १९ लाख ६८ हजार २ सय ५० कित्ता सेयर सर्वसाधारणका लागि निष्कासन गरेको छ ।
निष्कासन भएको सेयरमध्ये ५ प्रतिशत अर्थात ९८ हजार ४१३ कित्ता सेयर सामुहिक लगानी कोषहरूका लागि, २ प्रतिशत अर्थात ३९ हजार ३ सय ६५ कित्ता कम्पनीका कर्मचारीका लागि छुट्याइएको छ । बाँकी, १८ लाख ३० हजार ४ सय ७२ कित्ता सेयरका लागि सर्वसाधारणले आवेदन दिन सक्नेछन् ।
कम्पनीको सेयर निष्कासन तथा बाँडफाँड गर्न ग्लोबल आइएमई क्यापिटललाई बिक्री प्रबन्धक तोकिएको छ । सर्वसाधारणले न्यूनतम १० कित्तादेखि अधिकत्तम १ हजार कित्ता सम्म आवेदन दिन सकिनेछ । पहिलो चरणको आयोजना प्रभावित स्थानीयका लागि छुट्याएको सेयर बाँडफाँड गरिसकेर दोस्रो चरणमा सर्वसाधारणका लागि छुट्याएको साधारण सेयर निष्कासन गरेको हो ।
.jpg)
