ऊर्जा खबर
काठमाडौँ । तीन वटा जलविद्युत कम्पनीले विद्युत बिक्रीबाट २६ करोड रूपैयाँ आम्दानी गरेका छन् ।नेशनल हाइड्रो पावर कम्पनी लिमिटेड, सगरमाथा जलविद्युत् कम्पनी लिमिटेड र माइखोला हाइड्रो पावर कम्पनी लिमिटेडले विद्युत् बिक्री गरी २६ करोड २३ लाख ५६ हजार १७३ रुपैयाँ आम्दानी गरेका हुन् । यी कमम्पनीले आर्थिक वर्ष २०८०/८१ को दोस्रो त्रैमाससम्ममा सो आम्दानी गरेका हुन् ।
साउनदेखि पुससम्मा तीन कम्पनीले उक्त रकम आम्दानी गरेकाे कम्पनीहरूले सार्वजानिक गरेका वित्तीय विवरणमा उल्लेख छ ।
नेशनल हाइड्रो पावर कम्पनी लिमिटेड
नेशनल हाइड्रो पावर कम्पनी लिमिटेडले चालू आवकाे दाेस्राे त्रैमासमा विद्युत् बिक्रीबाट ५ करोड ४६ लाख ८८ हजार ५ सय रुपैयाँ आम्दानी गरेको कम्पनीले जनाएको छ । कम्पनीको आम्दानी गत वर्षको तुलनामा घटेको देखिएको छ । कम्पनीले गत वर्ष ५ करोड ५८ लाख ९३ हजार ६ सय रुपैयाँ आम्दानी गरेको थियो ।
कम्पनीको आम्दानी घटेसँगै खुद नाफा पनि घटेको देखिएको छ । गत वर्ष ७३ लाख ६१ हजार ९६५ रुपैयाँ नाफा कमाएको यस कम्पनीले यो वर्ष ८ लाख ८४ हजार ६९ हजार ९ सय रुपैयाँ मात्र नाफा कमाएको छ । कम्पनीले सिन्धुपाल्चोकमा ७.५ मेगावाटको इन्द्रावती तेस्रो जलविद्युत् आयोजना सञ्चालन गरिरहेको छ ।
सगरमाथा हाइड्रो पावर कम्पनी लिमिटेड
सगरमाथा हाइड्रोले चालु आवकाे दाेस्राे त्रैमाससम्ममा विद्युत् बिक्रीबाट १६ करोड ३३ लाख ३५ हजार ३ सय रुपैयाँ आम्दानी गरेको छ । कम्पनीले गत वर्ष १५ करोड ९७ लाख २७ हजार ८ सय रुपैयाँ मात्र आम्दानी गरेको थियो । कम्पनीको विद्युत् बिक्री हुने आम्दानी गत वर्षको तुलनामा बढेको देखिएको छ ।
कम्पनीको आम्दानी बढेसँगै खुद नाफा पनि बढेको छ । कम्पनीले यो अवधिमा ६ करोड ६५ लाख ९४ हजार ३ सय ८६ रुपैयाँ नाफा कमाएको छ । गत वर्ष यो अवधिमा कम्पनीले ५ करोड ४५ लाख ९८ हजार ७ सय १३ रुपैयाँ आम्दानी गरेको थियो । कम्पनीले इलाममा ९.६ मेगावाटको सुपरमाई ‘ए’ जलविद्युत् आयोजना सञ्चालन गरिरहेकाे छ ।
माईखोला हाइड्रो पावर कम्पनी लिमिटेड
माईखोला हाइड्रोले पनि विद्युत बिक्रीबाट ४ करोड ४३ लाख ३२ हजार ३०१ रुपैयाँ आम्दानी गरेको छ । गत वर्ष यस कम्पनीले विद्युत बिक्री गरी ४ करोड ७३ लाख २२ हजार ४ सय रुपैयाँ आम्दानी गरेको थियो ।
यो अवधिमा कम्पनीको आम्दानी घटेसँगै खुद नाफा पनि घटेको देखिएको छ । गत वर्ष १ करोड ३ लाख ४८ हजार ५ सय रुपैयाँ नाफा कमाएको यस कम्पनीले यो अवधिमा ७६ लाख ७८ हजार ३ सय ९५ रुपैयाँ खुद नाफा कमाएको छ ।
कम्पनीको इलाममा ३ मेगावाटको माइखोला क्यासकेड जलविद्युत् आयोजना सञ्चालनमा छ । कम्पनीले २०७७ असार ३१ गतेदेखि निरन्तर विद्युत् उत्पादन गरिरहेको छ ।
