ऊर्जा खबर
काठमाडौं । वैकल्पिक ऊर्जा प्रवर्द्धन केन्द्रले एक वर्षमा १२ हजार ७६ घरधुरीमा गृह सोलार प्रणाली जडान गरेको छ । केन्द्रले गत आर्थिक वर्ष २०७८/७९ मा उक्त सोलार प्रणाली जडान गरेको हो ।
गत वर्ष १० हजार घरधुरीमा सोलार जडान गर्ने लक्ष्य रहेपनि लक्ष्य भन्दा बढी जडान गरि सेवा दिइएकाे केन्द्रले जनाएको छ । यस्तै, वायोग्यास प्लान्टबाट ११ हजार घरधुरीमा स्वच्छ ऊर्जाकाे पहुँच पुर्याउने लक्ष्य रहेकोमा ६ हजार ३ सय ७४ घरधुरीमा पुर्याइएकाे छ ।
यस्तै, गत आवमा सिँचाई र खानेपानीको लागि ४० वटा सोलार लिफ्ट निर्माण गर्ने लक्ष्य रहेकाेमा पनि लक्ष्य भन्दा बढी निर्माण गरेको केन्द्रले जनाएकाे छ । केन्द्रले यो अवधिमा ४९ वटा सोलार लिफ्ट प्रणाली निर्माण गरेको छ ।
याे अवधिमा ११ वटा वायोग्यास प्लान्ट, ११९८ किलोवाटको मिनी हाइड्रो, २८ मिनी ग्रीड र ७ सौर्य कुकर जडान गरिएको छ ।
.jpg){kind=spacer}
