ऊर्जा खबर
काठमाडौँ । इलाम जिल्लाको देउमाई नगरपालिका-५ मा ८.३ मेगावाटको अप्पर देउमाई खोला साना जलविद्युत् आयोजनाबाट उत्पादित विद्युत् प्रवाह गर्न ३३ केभी प्रसारण लाइन निर्माण गरिने भएको छ । यसका लागि अनुमतिपत्र माग गर्दै प्रर्वद्धक कम्पनी वाटर इनर्जी सोलुसन लिमिटेडले विद्युत् विकास विभागमा आवेदन दिएको छ ।
कम्पनीले आयोजनाको स्वीचयार्डदेखि सोही जिल्लाको वडा नम्बर १० मा नेपाल विद्युत् प्राधिकरणले निर्माण गरेको १३२/३३/११ केभी गोदक सबस्टेसनसम्म १८.४७ किलोमिटर लामो विद्युत् प्रसारण लाइन निमाण गर्ने प्रस्ताव गरेको छ । यसका लागि २९१ वटा स्टिल टुबुलर पोलहरू रहने तथा ‘एसिआर उल्फ कन्डक्टर’ जडान गरिने जनाइएको छ । पोलको उचाई १३ मिटर र पोलको बीचको औसत दूरी १८.०९–२०९.९२ मिटर हुने छ । पोल र प्रसारण लाइन निर्माण गर्न ‘राइट अफ वे’ र ‘पोल फाउन्डेसन’का लागि स्थायी तथा अस्थायी रूपमा जम्मा १२.८२७१ हेक्टर जग्गा आवश्यकता पर्ने उल्लेख छ ।
१२ महिनाभित्र निर्माण पूरा गर्ने लक्ष्य राखिएको प्रसारण लाइनमा काम गर्दा वातावरणमा कुनै उल्लेखनीय प्रतिकुल प्रभाव पर्ने देखिए ३५ दिनभित्र विभाग वा कम्पनीमा लिखित राय प्रतिक्रिया दिन विभागले सूचित गरिएको छ ।
.jpg)
