ऊर्जा खबर
काठमाडौं । चाैधरी ग्रुप अन्तर्गतकाे क्रम्प्टन ग्रिभ्स कन्ज्युमर इलेक्ट्रिकल्स लिमिटेडले ‘राष्ट्रिय ऊर्जा संरक्षण पुरस्कार २०२३’ पाएकाे छ । भारत सरकार, ऊर्जा मन्त्रालय र ऊर्जा दक्षता ब्यूरो (बिइई)ले उक्त पुरस्कारबाट कम्पनीलाई सम्मान भएकाे हाे ।
यस अवसरमा चौधरी ग्रुपले क्रम्प्टनलाई बधाई दिँदै दुई कम्पनीबिचको सहकार्यमा सन्तुष्टि जनाएको छ । राष्ट्रिय ऊर्जा संरक्षण पुरस्कार (एनईसीए) भारतकाे एक प्रमुख वार्षिक कार्यक्रम हो । जसले ऊर्जा संरक्षणमा भएका असाधारण योगदानहरूलाई सम्मानित गर्ने गरेकाे छ ।
यसको स्थापना डिसेम्बर १४, १९९१ मा भएको थियो । भारत सरकारले यो पुरस्कार अर्थव्यवस्थाको विभिन्न क्षेत्रहरूकाे ऊर्जा संरक्षणमा भएका उदाहरणीय प्रयासहरूलाई प्रदान गरिन्छ ।
नेपालमा सन् २०२१ देखि चौधरी ग्रुपले क्रम्प्टन ब्रान्डका उत्पादनहरू आफ्नो च्यानल र आउटलेटहरूमार्फत देशभर वितरण गर्दै आएको छ । चौधरी ग्रुपले नेपालमा क्रम्प्टनका फ्यान, हिटर, गिजर, इमर्सन रड, आइरन, मिक्स्चर ग्राइन्डर, इन्डक्सन र एयर कुलर बेच्दै आइराखेको छ ।
