ऊर्जा खबर
काठमाडौं । सयपत्री हाइड्रो पावर लिमिटेडको सेयर आवेदन अवधि थप भएको छ । कम्पनीले बाग्लुङ जिल्लाको धरम खोलामा निर्माण सम्पन्न २.५ मेगावाटको धरम खोला–ए जलविद्युत आयोजना प्रभावित स्थानीयका लागि खुल्ला गरेको सेयर आवेदन अवधि थप गरिएको हो ।
कम्पनीले प्रभावित स्थानीयका लागि गत असार २ गतेदेखि सेयर आवेदन खुल्ला गरेको थियो । आवेदन खुल्ला गरे बापत माग बामोजिमको दरखास्त नभएकाले समय अवधि थप गरेको कम्पनीले जनाएको छ ।
कम्पनीले सय रुपैयाँ अंकित ३ करोड रुपैयाँ बराबरको ३ लाख कित्ता साधारण सेयर निष्कासन गरेकोे छ । कम्पनीकाअनुसार आयोजना प्रभावित क्षेत्र बाग्लुङ जिल्लाको ताराखोला गाउँपालिका र गल्कोट नगरपालिकाका बासिन्दाका लागि सेयर निष्कासन गरेको हो ।
स्थानीयले असार २२ गतेसम्म आवेदन दिन पाउँनेछन् । आवेदकले न्यूनतम १० कित्तादेखि अधिकतम ३० हजार कित्तासम्म आवेदन दिन सक्नेछन् ।
कम्पनीको सेयर निष्कासन गरी बाँडफाँड गर्न एनआईबिएल एस क्यापिटललाई बिक्री प्रबन्धक तोकिएको छ । कम्पनीले धरम बाग्लुङ जिल्लाको धरम खोलामा रहेको २.५ मेगावाटको धरम खोला–ए जलविद्युत केन्द्रले २०७३ असार १२ गतेबाट निरन्तर विद्युत उत्पादन गरिरहेको छ ।
