ऊर्जा खबर
काठमाडौं । बागलुङ जिल्लाको कुस्मिसेरामा १.५ मेगावाटको ठेउले खोला जलविद्युत आयोजना निर्माण गरी सञ्चालनमा ल्याएको बाराही हाइड्रो पावर पब्लिक लिमिटेडले दुई जलविद्युत आयोजना निर्माण गर्न हकप्रद सेयर निष्कासन गर्ने भएको छ । कम्पनीले ३.४५ मेगावाटको सिंकोस खाला र ०.७५ मेगावाटको तल्लो ठेउले खोला जलविद्युत (क्यासकेड) आयोजना निर्माण गर्न सेयर निष्कासन गर्न लागेकाे हाे ।
कम्पनीकाे ५१ प्रतिशत सेयर रहेकाे सिंकाेस खाेला र कम्पनीकाे स्वामित्व रहने तल्लो ठेउले खोलाकाे निर्माणका लागि हाल कायम चुक्त पूँजीको १ः१ को अनुपातका हकप्रद सेयर निष्कासन गर्न लागेकाे कम्पनीले जनाएकाे छ । कम्पनीले उक्त सेयर निष्कासन गर्न विद्युत नियमन आयोगमा पूर्वस्वीकृतीका लागि प्रस्ताव पेश गर्ने निर्णय गरेकाे छ ।
आयोगबाट स्वीकृत भएपछि नेपाल धिताेपत्र बाेर्डमा आवेदन दिनेछ । बाेर्डले अनुमति दिएपछि हकप्रद सेयर निष्कासन गरी बाँडफाँड हुनेछ ।
