ऊर्जा खबर
काठमाडौं । राष्ट्रिय योजना आयोगकाे मध्यकालीन वार्षिक विकास कार्यक्रमअनुसार आगामी ३ वर्षभित्र १९ लाख घरधुरीमा सुधारिएकाे चुलाे जडान गर्ने लक्ष्य राखेकाे छ । आयोगले आर्थिक वर्ष (आव) २०८२/८३ भित्रमा सुधारिएकाे चुलाे जडानकाे संख्या १९ लाख पुर्याउने लक्ष्य राखेकाे हाे ।
पछिल्लो समयमा भान्छा व्यवस्थापन वा स्वस्थ्यकर भान्छाको पहिलो पूर्वसर्त चुलोलाई मानिएको छ । सोही अनुसार आव २०७८/७९ मा १५ लाख २८ हजार सुधारिएको चुलो जडान गरेकाे आयोगले जनाएकाे छ ।आव २०७९/८० भित्र १६ लाख चुलाे जडान गर्ने लक्ष्य राखेकाे छ ।
आयोगले ३ वर्षीय योजना अनुसार चुलाे जडानकाे संख्या २०८०/८१ भित्र १६ लाख ७० हजार, २०८१/८२ भित्र १८ लाख र २०८२/८३ भित्र १९ लाख पुर्याउने लक्ष्य राखिएकाे आयाेगले जनाएको छ ।
आयोगका अनुसार हाल सुधारिएको चुलोको माग बढ्दै गएको देखिएको छ । सुधारिएको चुलोले मानव जीवन असर नपर्ने र भान्छाहरूमा सहज र छिटो छरितो हुने भएकाले चुलोको माग बढ्दै गएको छ।
बिरामी व्यक्तिका लागि घर पहिलो अस्पताल अर्थात उपचार केन्द्र हो । यसैले, भान्छामा उपयोग हुने ऊर्जाले नै स्वस्थ जीवनको आधार निर्धारण गरेको हुन्छ । त्यसैले, पछिल्लाे समय विद्युतीय चुलाे र सुधारिएकाे चुलाे जडान गर्ने परिवार संख्या बढ्दै गएकाे छ ।
