ऊर्जा खबर
काठमाडौँ । मुनलाइट हाइड्रोपावर कम्पनी लिमिटेडले सर्वसाधारणका लागि १ करोड ७६ लाख कित्ता साधारण शेयर (आइपीओ) निष्काशन गर्ने भएको छ । कम्पनीले उक्त कामका लागि बिक्री प्रबन्धकमा लक्ष्मी सनराइज क्यापिटललाई नियुक्त गरेको छ ।
कम्पनीले १०० रुपैयाँ अँकित दरकाे १ अर्ब ७६ करोड रुपैयाँ बराबरकाे शेयर निष्काशन गर्न लागेको जनाएकाे छ । आवश्यक सबै प्रक्रिया पूरा गरेर स्वीकृतिका लागि नेपाल धितोपत्र बोर्ड (सेबोन) मा पेश गरेकाे पनि जनाएको छ । यस कम्पनीले सिन्धुपाल्चोक जिल्लाकाे जुगल गाँउपालिकामा २२.१४ मेगावाटको बलेफी–ए जलविद्युत् आयोजना निर्माण गरिरहेकाे छ ।
