ऊर्जा खबर
काठमाडौं । सुपरमाई हाइड्रो पावर कम्पनी लिमिटेडले आफ्नो सेयरधनी सदस्यलाई चुक्ता पुँजीको ३० प्रतिशत नगद लाभांस दिने प्रस्ताव पारित गरेको छ । कम्पनीको साउन ३१ गते (मंगलबार) सम्पन्न भएको साधारणसभाले लाभांस पारित गरेको हो ।
सभाले आर्थिक वर्ष २०७८/७९ को संचित मुनाफाबाट आफ्नो सेयरधनी सदस्यलाई ३० प्रतिशत अर्थात १२ करोड रुपैयाँ नगद लाभांस दिने प्रस्ताव पारित गरेको कम्पनीले जनाएको छ । कम्पनीका अनुसार अब सेयरधनी सदस्यलाई लाभांस वितरण गरिनेछ ।
परियोजनाले यसअघि पनि क्रमश आव २०७६/७७ र २०७७/७८ मा ४ करोड ५८ लाख र ४ करोड ६३ लाख मुनाफा आर्जन गरी ७.१५ प्रतिशत र ११.५ प्रतिशत लाभांस वितरण गरेको थियो ।
कम्पनीले इलामको माइ खोलामा निर्माण सम्पन्न ७.८ मेगावाटको सुपर माई जलविद्युत आयोजनाले विद्युत उत्पादन गरिरहेको छ । उत्पादीत विद्युत १३२ केभी प्रसारण लाइनबाट गोदक सबस्टेसनमा जोडिएको छ ।
.jpg)
