ऊर्जा खबर
काठमाडौं । बिन्ध्यावासिनी हाइड्रो पावर डेभलपमेन्ट कम्पनी लिमिटेडले ५ प्रतिशत बोनस सेयर दिने निर्णय गरेको छ । सञ्चालक समितिको मंसिर २९ गते बसेको बैठकले आफ्ना सेयरधनी सदस्यलाई बोनस सेयर र लाभांश दिने निर्णय गरेको हो ।
कम्पनीका अनुसार चुक्ता पुँजीको ५ प्रतिशतका दरले बोनस सेयर र ०.०२६३२ प्रतिशत लाभांश दिन प्रस्ताव पारित गर्नेछ । कम्पनीले उक्त प्रस्ताव पारित गर्न पुस २२ गतेको लागि साधारण सभा आह्वान गरेको छ । सभाबाट प्रस्ताव पारित हुने लगतै सेयरधनी सदस्यालाई बोनस सेयर र लाभांश वितरण गर्ने पनि कम्पनीले जनाएको छ ।
सभामा वार्षिक प्रतिवेदन, वित्तीय विवरण, नाफा/नोक्सान, हिसाब नगद प्रवाह लगायत विषयमा छलफल गरिनेछ । साथै, आर्थिक वर्ष २०७९/८० को लागि लेखा परिक्षक समेत नियुक्त गरी पारिश्रमिक समेत निर्धारण गर्ने जनाइएको छ । कम्पनीले आयोजना गरेको साधारण सभा पुस २२ गते विहान १० बजे कम्पनीको कार्यलय परिसर नयाँ बानेश्वारमा हुनेछ ।
यस्तै, मन्दाकिनी हाइड्रो पावर लिमिटेडले पनि आफ्ना सेयरधनी सदस्यलाई आर्थिक वर्ष २०७८/७९ को चुक्ता पुँजीबाट ५ प्रतिशत नगद लाभांश दिने घोषणा गरेको छ । कम्पनीले सेयरधनी सदस्यलाई लाभांश वितरणा गर्न साधारण आह्वान गरेको छ ।
.jpg)
