ऊर्जा खबर
काठमाडौं । नेपाल विद्युत प्राधिकरणले ट्रान्सफर्मर जडान गर्नका लागि दाङ र सल्यानमा विद्युत लाइन काटेकाे छ । प्राधिकरण तुलसीपुर वितरण केन्द्र र सल्यान वितरण केन्द्रका २ फिडरकाे विद्युत लाइन ५ घन्टाका लागि काटिएकाे हाे ।
तुलसीपुर अन्तर्गत एयरपोर्ट फिडर र सल्यान वितरण केन्द्र अन्तर्गत सल्यान फिडरको सेवा बिहानैदेखि बन्द भएकाे प्राधिकरणले जनाएकाे छ । प्राधिकरणका अनुसार दुवै फिडर क्रसिङ व्यवस्थापन तथा नयाँ ट्रान्सफर्मर जडानका लागि सेवा आज (शुक्रबार) बिहान ९ बजेदेखि सेवा बन्द गरिएको छ । अवरुद्ध सेवा दिउसो २ बजेबाट सुचारु हुनेछ ।
लाइन बन्द हुँदा तुलसीपुरकाे एयरपोर्ट फिडर अन्तर्गतको गुल्मचोक आसपास, झुमरे, खर्चवा, मिलनचोक, घोराही रोड, प्रदेश प्रहरी कार्यालयलगायत स्थानकाे सेवा प्रभावित भएकाे छ ।
साथै, सल्यान फिडरबाट वितरण हुने, हर्नेटि, राम्री, कपुरकोट, सोलाबाड, टुनीबोट, लुहाम,लान्ति सितलपाटीलगायतका क्षेत्रको सेवा बन्द भइरहेको छ ।काम तोकिएको समयअगावै सम्पन्न भए निर्धारीत समयअगावै सेवा सूरु हुनेछ ।
