ऊर्जा खबर
काठमाडौं । मेन्छियाम हाइड्रो पावर लिमिटेडले १६ करोड २७ लाख ७५ हजार रुपैयाँ बराबरको सेयर सर्वसाधारणको लागि निष्कासन गर्न नेपाल धितोपत्र बोर्डमा निवेदन पेश गरेको छ ।
निष्कासन गर्न लागेको रकम मध्ये ५ करोड ४२ लाख ५८ हजार ३ सय रुपैयाँ बराबरको सेयर आयोजना प्रभावित क्षेत्र बासिन्दाहरूको लागि र १० करोड ८५ लाख १६ हजार ७ सय रुपैयाँ बराबरको सेयर सामूहिक लगानी कोष सहित सर्वसाधारणको लागि छुट्याएको छ । कम्पनीको सेयर निष्कासन बाँडफाँड गर्न एन आई सी एशिया क्यापिटललाई बिक्री प्रवन्धक ताेकिएकाे छ ।
कम्पनीले संखुवासभा जिल्लामा माथिल्लो पिलुवा खोलामा ४.७२ मेगावाटको जलविद्युत आयोजना निर्माण गरिरहेको छ । कम्पनीको हाल जारी पूँजी ३७ करोड ९८ लाख ८ हजार तीन सय रुपैयाँ रहेको छ ।
सेयर निष्कासन पश्चात कम्पनीको जारी पूँजी तथा चुक्ता पूँजी ५४ करोड २५ लाख ८३ हजार तीन सय कायम हुनेछ । निर्माणधीन माथिल्लो पिलुवा खोला–२ जलविद्युत आयोजनाको निर्माण कार्य अन्तिम चरणमा पुगेको कम्पनीले जनाएको छ ।
.jpg)