ऊर्जा खबर
काठमाडौं । कास्की जिल्लाको माछापुच्छ्रे गाउँपालिमा २५ मेगावाटको सेती नदी जलविद्युत आयोजना निर्माण गरिरहको भिजन लुम्बिनी ऊर्जा कम्पनी लिमिटेडले सेयर निष्कास गर्न नेपाल धितोपत्र बोर्डमा आवेदन दिएको छ । कम्पनीले ३८ लाख कित्ता साधारण सेयर निष्कासन अनुमतिका लागि फागुन २१ गते आवेदन दिएको हो ।
सय रुपैयाँ अंकित ३८ करोड २५ लाख रकम बराबरको ३८ लाख २५ हजार कित्ता सेयर निष्कासन गर्न बोर्डमा आवेदन दिएको कम्पनीले जनाएको छ । कम्पनीका अनुसार बोर्डबाट अनुमति पाउने लगतै सेयर निष्कासन गरिनेछ ।
पहिलो चरणमा आयोजना प्रभावित स्थानीयको लागि सेयर निष्कासन गरी बाँडफाँड गरिनेछ र दोस्रो चरणमा सर्वसाधारणका लागि निष्कासन गरिनेछ । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक नियुक्त गरिएको छ ।
कम्पनीले कास्की जिल्लामा २५ मेगावाटको सेती नदी जलविद्युत आयोजना निर्माण गरिरहेको छ । यस आयोजनाबाट २०८० जेठभित्र विद्युत उत्पादन गर्ने लक्ष्य छ । विद्युत प्राधिकरणले यो आयोजनाको विद्युत हिउँदमा प्रतियुनिट ८.४० रुपैयाँ र बर्खामा ४.८० रुपैयाँमा किन्ने गरी विद्युत खरिद सम्झौता (पिपिए) गरेको छ ।
