ऊर्जा खबर
काठमाडौं । पिपुल्स पावर कम्पनीको सेयर आइतबार (भदौ १२ गते) बाँडफाँड सम्पन्न भएको छ । कम्पनीको इलाममा निर्माणाधीन ४.९६ मेगावाटको पुवा खोला जलविद्युत आयोजनाकाे सर्वसाधारणका लागि गत साउन ३१ गतेदेखि भदौ ५ गतेसम्म निष्कासन तथा बिक्री खुल्ला गरेका सेयर बाँडफाँड भएको हो ।
कम्पनीको सेयर २ लाख २९ हजार ४ सय ६८ जनाले गोलाप्रथाबाट १० कित्ता र बाँकी २ जनाले ११ कित्ता पाएको बिक्री प्रबन्धक प्रभु क्यापिटलले जनाएको छ । क्यापिटलका अनुसार कम्पनीको सेयर भर्न अन्तिम दिनसम्म मागभन्दा ७.९३ गुणा बढी आवेदन परेको छ ।
कम्पनीका अनुसार सेयर किन्नका लागि आवेदन दिने १६ लाख ३१ हजार ३८ जनामध्ये १५ लाख ५१ हजार ४ सय १३ वटा आवेदन योग्य रहेका थिए भने दोहोरो आवेदनका कारण १ हजार ६ सय ८ तथा अन्य कारणबाट ३ हजार ५ सय ४ आवेदन रद्ध भएका थिए ।
कम्पनीले सय रुपैयाँ अंकित २४ करोड ६७ लाख ४० हजार रुपैयाँ बराबरको २४ लाख ६७ हजार ४०० कित्ता सेयर निष्कासन गरेको थियो । निष्कासन भएको सेयरमध्ये २ प्रतिशत हुन आउने अर्थात ४९ हजार ३ सय ४८ कित्ता सेयर कम्पनीको कर्मचारीका लागि र ५ प्रतिशत हुन आउने अर्थात १ लाख २३ हजार ३ सय ७० कित्ता सेयर सामूहिक लगानी कोषको लागि बाँडफाँड गरिएको छ । बाँकी रहेको २२ लाख ९४ हजार ६ सय ८२ कित्ता सेयर सर्वसाधारणका लागि निष्कासन गरिएको थियो ।
.jpg)
