साहस ऊर्जाको २ करोड ८२ लाख कित्ता शेयरको ‘लक–इन’ अवधि १ महिनापछि सकिँदै 

काठमाडौँ । साहस ऊर्जा लिमिटेडको २ करोड ८२ लाख १० हजार कित्ता शेयरको ‘लक–इन’ अवधि समाप्त हुन लागेको छ । कम्पनीले २०७८ साल असोज १७ गते बाँडफाँट गरी कम्पनीका संस्थापक, आयोजना प्रभावित स्थानिय बासिन्दा र कर्मचारीलाई सुरक्षित गरिएको शेयरको ३ बर्से लक इन अवधि असोज १६ गतेसमाप्त हुने भएको हो । 

सूचीकृत कम्पनीको शेयरको लक इन अवधि सकिनु १ महिना अगावै सूचना दिनुपर्ने नेपाल धितोपत्र बोर्ड (सेबोन) को परिपत्र अनुसार कम्पनीले सूचना जारी गरेको हो ।  

सो मितिमा लक इन अवधि सकिने शेयरमा कम्पनीका संस्थापकहरूको नाममा रहेको २ करोड ४५ लाख कित्ता,  आयोजना प्रवाभित क्षेत्रका बासिन्दाको नाममा रहेको ३५ लाख कित्ता र कर्मचारीको नाममा रहेको २ लाख १० हजार कित्ता रहेको छ ।