ऊर्जा खबर
काठमाडौं । मन्दाकिनी हाइड्रो पावर लिमिटेडको सेयर आवेदन दिने आज अन्तिम दिन हो । कम्पनीले कास्की जिल्लाको सार्दी खोलामा रहेको ४ मेगावाटको सार्दी जलविद्युत आयोजनाले सार्वसाधारणका लागि साउन ९ गते खुल्ला गरेको सेयर आवेदन अवधि साँझ ५ बजेबाट सकिन लागेको हो ।
सय रुपैयाँ अंकित ११ करोड ७६ लाख ७ हजार ३ सय रुपैयाँ बराबरको ११ लाख ७३ कित्ता सेयर निष्कासन गरिएको कम्पनीले जनाएको छ । कम्पनीका अनुसार निष्कासन हुने सेयर मध्ये ५ प्रतिशत हुन आउने अर्थात ५८ हजार ८ सय ३ कित्ता सामुहिक लगानी कोषका लागि, २ प्रतिशत हुन आउने अर्थात २३ हजार ५ सय २१ कित्ता सेयर कम्पनीका कर्मचारीका लागि छ्ट्याएको छ ।
बाँकी रहेको १० लाख ९३ हजार ७ सय ४९ कित्ता सेयर सर्वसाधारणका लागि छुट्याएको थियो ।
आवेदकले न्यूनतम १० कित्तादेखि अधिकतम १० हजार कित्तासम्म आवेदन दिन पाउँनेछन् । कम्पनीको सेयर निष्कासन गरी बाँडफाँड गर्न बिओके क्यापिटललाई बिक्री प्रबन्धक तोकिएको छ ।
कम्पनीको कास्की जिल्लाको सार्दी खोलामा रहेको ४ मेगावाटको सार्दी जलविद्युत केन्द्रले मंसिर २३ गतेदेखि निरन्तर विद्युत उत्पादन गरिरहेको छ ।
