ऊर्जा खबर
काठमाडौं । टक्सार पिखुवा खोला हाइड्रो पावर कम्पनीले करिब साढे ४७ लाख कित्ता साधारण सेयर निकासन गर्ने भएको छ । कम्पनीले आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन गर्न लागेको हो ।
सय रुपैयाँमा अंकित ४७ करोड ५२ लाख रुपैयाँ बराबरको ४७ लाख ५२ हजार कित्ता साधारण सेयर निष्कासन गर्न लागिएको कम्पनीले जनाएको छ । कम्पनीका अनुसार सेयर निष्कासन गर्न बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ ।
कम्पनीको भोजपुरमा निर्माण सम्पन्न ८ मेगावाटको टक्सार पिखुवा खोला जलविद्युत आयोजना सञ्चालनमा छ । आयोजनाको विद्यत २०७७ चैतदेखि राष्ट्रिय प्रसारण प्रणालीमा जोडिएको हो ।
निर्माण सुरु भएको साढे २ वर्षमा आयोजना सम्पन्न भई विद्युत उत्पादन सुरु गरेको थियो । आयोजनाको विद्युत साढे ७ किलोमिटर दुरीमा रहेको नेपाल विद्युत प्राधिकरणको पानीट्याङकी सबस्टेसनमा जोडिएको छ ।
यो आयोजना सम्पन्न गर्न १ अर्ब ७२ करोड रुपैयाँ खर्च भएको छ । आयोजनामा सिटिजन्सको अगुवाईमा माछापुच्छ्रे बैंकले ऋण लगानी गरेको छन् । आयोजनाको कुल लागतका. ७० प्रतिशत ऋण लगानी छ । ३० प्रतिशत स्वपुँजी लगानी छ ।
