ऊर्जा खबर
काठमाडौं । भगवती हाइड्रो पावर डेभलपमेन्ट कम्पनी लिमिटेडले असार २४ गतेदेखि प्रिमियम सहितको साधारण सेयर निष्कासन गर्ने भएको छ । कम्पनीले प्रभावित स्थानीय र वैदेशिक रोजगारीमा गएका नेपाली नागरिकका लागि छुट्याएको सेयर निष्कासन गर्न लागेको हो ।
कम्पनीको जारी पूँजी ५७ करोड २० लाख ६४ हजार ७ सय रुपैयाँ बराबरको १० प्रतिशत सेयर निष्कासन गर्न लागेकाे हाे । कम्पनीले स्थानीयका लागि अंकित मूल्यमा १६ रुपैयाँ प्रिमियम रकम थप गरी जम्मा ११६ रुपैयाँ दरले ५ लाख ७२ हजार ६५ कित्ता सेयर लागि निष्कासन निष्कासन गर्न लागेकाे हाे ।
कम्पनीले चरणमा प्रभावित क्षेत्र कास्की जिल्लाको पोखरा महानगरपालिकका वडा नम्बर १३, १४, २६, र २७ (साविकको पोखरा उप–महानगरवापालिका वडा नम्बर १३, १४, १८, २२ र लेखनाथ नगपालिका वडा नम्बर २, ३, ४, ५, ६ र ७) का स्थानीयका सेयर लागि निष्कासन गरिनेछ । यसैगरी, वैदेशिक रोजगारीमा गएमा नेपाली नागरिकका लागि ८ लाख ५८ हजार ९७ कित्ताको १० प्रतिशत हुन आउने अर्थात ८५ हजार ८ सय १० कित्ता सेयर निष्कासन गर्नेछ ।
प्रभावित स्थानीय र वैदेशिक रोजगारिमा गएका नेपाली नगरिकले न्यूनत्तम १० कित्तादेखि अधिकत्तम ५ हजार कित्ता सम्म आवेदन दिन पाउनेछ । प्रभावित स्थानीयले छिटोमा साउन ७ गतेसम्म तथा ढिलोमा साउन २२ गतेसम्म र वैदेशिक रोजगारीमा गएका नेपाली नागरिकले साउन ७ गतेसम्म आवेदन दिन पाउनेछन् ।
कम्पनीले पहिलो चरणमा प्रभावित स्थानीय र वैदेशिक रोजागारीमा गएकाहरूका लागि निष्कासन तथा बाँडफाँड गरेपछि दोस्रो चरणमा सर्वसाधारणका लागि निष्कासन गर्नेछ । कम्पनीको सेयर निष्कासन गरी बाँडफाँड गर्न सिद्धार्थ क्यापिटल लिमिटेडलाई बिक्री प्रबन्धक तोकिएको छ । कम्पनीको कास्की जिल्लामा ४.५ मेगावाटको बिजयपुर–१ जलविद्युत आयोजना सञ्चालनमा छन् ।
