ऊर्जा खबर
काठमाडौं । लमजुङ जिल्लाको सिउरी खोलामा ४.९५ मेगावाटको सिउरी खोला जलविद्युत आयोजना निर्माण गरी सञ्चाल गरिरहेको ङादी ग्रुप पावर कम्पनी लिमिटेडले हकप्रद सेयर निष्कासन गर्न अनुमति पाएको छ । कम्पनीले भदौ ८ गते विद्युत नियमन आयोगबाट १ः१ को अनुपातमा हकप्रद सेयर निष्कासन गर्न अनुमति पाएको हो ।
चुक्ता पूँजी १ अर्ब ८५ करोड १२ लाख ७९ हजार २ सय २२ रुपैयाँ रकमको १ः१ को अनुपातमा हकप्रद सेयर निष्कासन गर्न अनुमति पाएको कम्पनीले जनाएको छ । कम्पनीले संचालित आयोजनाको मर्मत संभार गर्न, आयोजनामा लगानी गर्न तथा लगानीका स्रोतहरु पहिचान गर्दै रोजगारी सृजना गरी राष्ट्रिय पूँजी बृद्धि गर्न आयोजनाको सञ्चालित मुनाफा, बैंक ऋण लगायतका बैकल्पिक स्रोतबाट मात्रै सम्पूर्ण रकम जोहो गर्न नसकिने भएकाले सो का लागि हकप्रद सेयर निष्कासन गर्न लागेको हो ।
कम्पनीको ४.९५ मेगावाटको सिउरीखोला जलविद्युत आयोजनाले २०६९ साल असोज ३० गतेदेखि निरन्तर विद्युत उत्पादन गरिरहेको छ ।
