ऊर्जा खबर
काठमाडाैं । नेपाल धिताेपत्र बाेर्डले भिजन लुम्बिनी ऊर्जा कम्पनी लिमिटेडकाे ३८ लाख २५ हजार कित्ता सेयर निष्कासन गर्न अनुमति दिएकाे छ । बोर्डले आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन गर्न अनुमति दिएको हो ।
सय रुपैयाँ अंकित ३८ करोड २५ लाख रकम बराबरको ३८ लाख २५ हजार कित्ता सेयर निष्कासन गर्न बोर्डले अनुमति दिएकाे कम्पनीले जानकारी दिएकाे छ । कम्पनीका अनुसार अब सेयर निष्कासन गरी बाँडफाँड गरिनेछ ।
पहिलो चरणमा आयोजना प्रभावित स्थानीयको लागि सेयर निष्कासन गरी बाँडफाँड गरिनेछ र दोस्रो चरणमा सर्वसाधारणका लागि निष्कासन गरिनेछ । कम्पनीको सेयर निष्कासन गरी बाँडफाँड गर्न मुक्तिनाथ क्यापिटल लिमिटेडलाई बिक्री प्रबन्धक नियुक्त गरिएको छ ।
कम्पनीले कास्की जिल्लामा २५ मेगावाटको सेती नदी जलविद्युत आयोजना निर्माण गरिरहेको छ । यस आयोजनाकाे काम अन्तिम चरणमा पुगेकाे छ ।विद्युत प्राधिकरणले यो आयोजनाको विद्युत हिउँदमा प्रतियुनिट ८.४० रुपैयाँ र बर्खामा ४.८० रुपैयाँमा किन्ने गरी विद्युत खरिद सम्झौता (पिपिए) गरेको छ ।
.jpg)
