ऊर्जा खबर
काठमाडौं । नेपाल धितोपत्र बोर्डले बिन्ध्याबासिनी हाइड्रो पावर र दोर्दी जलविद्युत कम्पनीलाई सेयर निष्कासन अनुमति दिएको छ । कम्पनीले आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन अनुमति दिएको हो ।
बिन्ध्याबासिनी हाइड्रो पावर डेभलपमेन्ट कम्पनीले २५ करोड रुपैयाँ बराबरको २५ लाख कित्ता र दोर्दी जलविद्युत कम्पनीले २९ करोड ५१ लाख ९ हजार २ सय ९० रुपैयाँ बराबरको २९ लाख ५१ हजार २९ कित्ता साधारण सेयर निष्कासन अनुमति पाएको हो ।
दोर्दी जलविद्युत कम्पनीको सेयर निष्कासन गरी बाँडफाँड गर्न सिद्धार्थ क्यापिटललाई बिक्री प्रबन्धक तोकेको छ । कम्पनीको लमजुङमा निर्माणाधीन १२ मेगावाटको दोर्दी–१ जलविद्युत आयोजना निर्माण गरीरहेको छ । आयोजनाको काम अन्तिम चरणमा पुगेको छ ।
यस्तै, बिन्ध्याबासिनी हाइड्रो पावरको सेयर निष्कासन गरी बाँडफाँड गर्न सानिमा क्यापिटल लिमिेटडलाई बिक्री प्रबन्धक तोकेको छ । कम्पनीले २ जलविद्युत आयोजना निर्माण सम्पन्न गरी सञ्चालन गरीररहेको छ । कम्पनीको ८.८ मेगावाटको रुदी खोला–ए र ६.६ मेगावाटको रुदी खोला–बी जलविद्युत केन्द्रले विद्युत उत्पादन गरीरहेका छन् ।
दुवै कम्पनीले चरणमा आयोजना प्रभावित स्थानीयका लागि सेयर निष्कासन गरी बाँडफाँड गर्नेछन् । दोस्रो चरणमा सर्वसाधारणका लागि छुट्याएको साधारण सेयर निष्कासन गर्नेछ ।
