ऊर्जा खबर
काठमाडौँ । कपिलवस्तुको शिवराज नगरपालिकामा १५ मेगावाटको धरमनगर सोलार फार्म–२ निर्माण गरिने भएको छ । यसका लागि अनुमति माग्दै प्रवद्र्धक कम्पनी पशुपति रिन्यूएबल्स लिमिटेडले विद्युत् विकास विभागमा दरखास्त दिएको छ ।
डीपीआर र ईआईए तयार भइसकेको आयोजनाको मूख्य संरचनाहरू उक्त नगरपालिकाको वडा नम्बर ६ मा रहने गरी निर्माणको प्रस्ताव गरिएको छ । यस फार्मका लागि १७ हेक्टर जग्गा प्रस्ताव गरिएको छ ।
२०८१ चैतभित्र निर्माण सक्ने लक्ष्य राखिएको आयोजनबाट वार्षिक सरदर ३०.२ गिगावाट घण्टा ऊर्जा उत्पादन हुने कम्पनीले जनाएको छ । आयोजनाको विद्युत् ३३ केभी प्रसारण लाइन मार्फत शिवपुर सबस्टेसनमा जोडिने छ ।
.jpg)
