ऊर्जा खबर
काठमाडौं । नेपाल विद्युत प्राधिकरणले बूढीगण्डकी कोरिडोर प्रसारण लाइन आयाेजनाकाे प्रारम्भिक वातावरणीय परीक्षण प्रतिवेदन तयार पार्न सार्वजनिक सुनुवाई गर्ने भएको छ । प्राधिकरणले फिलिम-गुम्डा-रातमाटे ४०० केभी डबल सर्किट प्रसारण लाइन र सम्बन्धित सबस्टेसनको बारे सुनुवाई गर्न लागेको हो ।
गण्डकी प्रदेशको गोरखा जिल्लादेखि बागमती प्रदेशको धादिङ जिल्ला हुँदै नुवाकोट जिल्लासम्मकाे लाइनकाे प्रारम्भिक वातावरणीय प्रतिवेदन तयार गर्न काम भइरहेकाे छ । लाइन गाेरकाको धार्चे गाउँपालिको वडा नम्बर ३,४,५, सुललिकोट गाउँपालिकाको वडा नम्बर १,२,३,४,७ अजिलरकोट गाउँपालिकाको वडा नम्बर ४ र आरुघाट गाउँपालिाकाको वडा नम्बर ७, ८, १०, बाग्मती प्रदेशको धादिङ जिल्लाको त्रिपुरा सुन्दरी गाउँपालिाको वडा नम्बर ३,६,७ नीलकण्ठ नगरपालिकाको वडा नम्बर ११,१३,१४,२ र १ तथा नुवाकोट जिल्लाको तोर्केश्वर गाउँपालिकाको वडा नम्बर ३ र ४ बेलकोटगढी नगरपालिकाको वडा नम्बर ७ मा प्रस्तावित रातमाटे सबस्टेसनमा अन्त्य हुनेछ ।
यस प्रस्तावित बुढीगण्डकी कोरिडोको ४०० केभी प्रसारण लाइन तथा सम्बन्धीत सबस्टेसन आयोजनाको विद्युत मार्गको अधिकार क्षेत्र दायाँ र बायाँ गरी ४६ मिटर हुनेछ ।
उक्त आयोजनाको वातावरणीय परीक्षण सार्वजानिक सुनुवाई २०७९ चैत २२ गते तारकेश्वर गाउँपालिाका वडा नम्बर ३ कार्यलय भवनमा र २५ गते भीमोदय उच्च माध्यमिक विद्यालयाको खेल मैदानमा र २८ गते अजिरकोट गाउँपालिका वडा नम्बर ४ कार्यलय भवनमा हुनेछ ।
