ऊर्जा खबर
.jpg)
काठमाडौं । साेलुखुम्बुमा २३.५ मेगावाटकाे साेलु खाेला जलविद्युत आयाेजना निर्माण गरी सञ्चालनमा ल्याएकाे अप्पर सोलु हाइड्रो इलेक्ट्रिक कम्पनी लिमिटेडले करिब ४ कराेड ४६ लाख रूपैयाँ खुद नाफा कमाएकाे छ । कम्पनीले सार्वजानिक गरेको गत आर्थिक वर्ष (आव) २०७८/७९ को वित्तीय विवरणमा उक्त विवरण उल्लेख गरिएकाे हाे ।
कम्पनीका अनुसार आव २०७७/७८ मा ४ करोड ४६ लाख १५ हजार ७ सय ८२ रुपैयाँ खुद नाफा कमाएको थियाे भने अघिल्लाे वर्ष ४ करोड ३७ लाख ४१ हजार १३ रुपैयाँ खुद नाफा कमाएको थियो । कम्पनीले गत आवमा विद्युत बेचेर ३८ करोड ७ लाख ४० हजार ३ सय ३२ रुपैयाँ आम्दानी गरेको छ, जुन अघिल्लो आवमा २९ करोड ४६ लाख ६१ हजार ३ सय २० रुपैयाँ आम्दानी गरेको थियो ।
यस्तै, कम्पनीको खुद नाफा बढे पनि अन्य स्रोतको आम्दानी अघिल्लो आवको तुलनामा घटेको जनाएकाे छ । अघिल्लो आवमा कम्पनीले अन्य स्रोतबाट १४ लाख ७१ हजार ७ सय ९७ रुपैयाँ आम्दानी गरेकोमा गत आवमा १ लाख ९८ हजार ४ सय ६५ रुपैयाँ आम्दानी गरेको वित्तीय विवरणमा उल्लेख छ ।
