ऊर्जा खबर
काठमाडौँ । दैलेखको आठबिस नगरपालिका– ३ को निमायल र वडा नम्बर ९ छेपाडी गाउँका करिब ४ सय घरधुरीमा विद्युतीकरण गएिको छ । नेपाल विद्युत् प्राधिकरणको दैलेख वितरण केन्द्रले सो स्थानमा ५० एमभिएका दुई थान ट्रान्सर्फमर एवम् वितरण लाइन विस्तार गरी विद्युतीकरण गरेको हो ।
पर्याप्त वितरण संरचनाको अभावमा सबै घरधुरी समेट्न नसकिए पनि तत्कालका लागि करिब ४०० ग्रामीण घरधुरीले विधुत सेवा उपभोग गर्न मिटर जडान प्रक्रिया शुरु गर्न सक्ने केन्द्रले जनाएको छ ।
विद्युतीकरण गरिएका गाउँमा स्थानीयबासी खुसी हुँदै मिटर जडानका लागि स्थानीयबासीले सक्रियता देखाएका छन् । त्यस्तै लाइन विस्तार हुन बाँकी रहेका क्षेत्रका स्थानीयले समेत छिटो लाइन विस्तार गर्न माग गरेका छन् ।
ती वडाका वडा अध्यक्षहरूको सक्रियता एवम् समन्वयका कारण काम वितरण लाइन विस्तारको कार्य समयभन्दा अगाडि नै सम्पन्न भएको केन्द्रले जनाएको छ ।
.jpg)
