ऊर्जा खबर
काठमाडौं । नेपाल विद्युत् प्राधिकरणले ३३२ स्थानीय तहलाई सडकबत्ती बापतको ६ अर्ब रुपैयाँ बक्याैता महसुल बुझाउन ताकेता गरेको छ । प्राधिकरणले गत असार मसान्तसम्म उपभोग गरेकाे विद्युत् सेवा बापतको बक्यौता महसुल भुक्तानी गर्न सूचना जारी गरेर ताकेता गरेकाे हाे ।
प्राधिकरणका अनुसार ३३२ स्थानीय तहले कुल ६ अर्ब ८ करोड ९४ लाख ३११ रुपैयाँ बक्यौता महसुल बुझाउन बाँकी छ । सबैभन्दा बढी बक्यौता काठमाडौं माहनगरपालिकाको छ ।
काठमाडौं महानगरापलिकाले १ अर्ब ६१ करोड ९७ लाख २१ हजार रुपैयाँ बुझाउन बाँकी रहेको छ । यस्तै, ललितपुर महानगरपालिकाले १ अर्ब ३६ करोड २३ लाख १० हजार रुपैयाँ, पोखरा महानगरपालिकाले १३ करोड ३५ लाख १४ हजार र वीरगञ्ज महानगरपालिकाले १७ करोड २८ लाख ६९ हजार ४ सय रुपैयाँ बुझाउन बाँकी रहेको छ ।
यसैगरी, विराटनगर महनगरपालिकाको ८ करोड ६६ लाख ८ हजार ७ सय रुपैयाँ, सूर्यविनायक नगरपालिकाको १ करोड २७ लाख २९ हजार, इटहरी उपमहानगरपालिको २ करोड ९९ लाख ५८ हजार ८ सय रुपैयाँ बुझाउन बाँकी छ ।
प्राधिकरणले सूचना प्रकाशित भएको ४५ दिनभित्र बक्याैता महसुल भुक्तान नगरे कारवाही गर्ने चेतावनी दिएकाे छ ।
तोकिएको समयअवधिभित्र बक्यौता महसुल नबुझाए विद्युत महसुल संकलन विनियमावली २०७८ को विनियम १० को प्रावधान अनुसार कारबाही गर्ने प्राधिकरणकाे चेतावनी छ ।
यस्ताे छ सूचना
