ऊर्जा खबर
काठमाडौं । सिंकोस हाइड्रो पावर प्रालिले ३.४५ मेगावाटको सिंकोस खोला जलविद्युत आयोजना ३ वर्षमा सम्पन्न गर्ने भएको छ । कम्पनीले म्याग्दी जिल्लाको धवलागिरी गाउँपालिमा पहिचान भएको आयोजना २०८३ मा सम्पन्न गर्ने भएको हो ।
गण्डकी प्रदेश, म्याग्दी जिल्लाकोे धवलागिरीमा आवस्थित सिंकोस खोलामा पहिचान भइ अध्ययन पुरा भएको आयोजना निर्माण गर्न विद्युत विकासमा आवेदन दिएको कम्पनीले जनाएको छ । कम्पनीका अनुसार विभागबाट स्वीकृत प्राप्त हुने लगतै आयोजनाको काम अघि बढाइनेछ ।
आयोजना निर्माण तथा सञ्चालन गर्दा पर्न सक्ने प्रतिकुल असरका विषयमा सरकोकरवालासँग राय/सुझाव माग गरेको छ । विभागले ३५ दिने सूचना जारी गर्दै उक्त अवधिभित्र सुझाव दिन पनि माग गरेको छ ।
नदी प्रवाहमा आधारित (रन अफ रिभर) प्रकारको आयोजनाको जडित क्षमता ३.४५ मेगावाट हुनेछ । यस आयोजनाबाट वार्षिक सरदर २१.६७ मेगावाट विद्युत उत्पादन हुनेछ ।
आयोजनाको मुख्य संरचनाहरु सिंकोस खोलाको दायाँ किनारामा पर्नेछ । विद्युत गृहमा जडित २ वटा होरिजेनटर पेल्टन टर्बाइन र २ वटा ३ फेज एमभिए रेटेड क्यापासिटी मार्फत विद्युत उतपादन गरिनेछ । विद्युत गृहनजिकै स्वीच्यार्ड निर्माण गरिनेछ ।
आयोजनाबाट उत्पादित विद्युत १० किलोमिर लामो ३३ केभी प्रसारण लाइन मार्फत नेपाल विद्युत प्राधिकरणको निर्माणधीन डाडाँखेत सबस्टेसन मार्फत राष्ट्रिय प्रसारण लाइनमा जोडिनेछ । आयोजना निर्माण तथा सञ्चालन गर्दा भू–क्षय, वाय प्रदुषण आदिद्वारा वातावरणमा उल्लेखनीय प्रतिकुल असर नपर्ने गरी निर्माण गरिनेछ ।
