ऊर्जा खबर
काठमाडौं । अपि पावर कम्पनी लिमिटेडले साढे ४ लाख कित्ता अविपरित हकप्रद सेयर लिलाम बिक्री गर्ने भएको छ । कम्पनीले २०७८ चैत २५ गतेदेखि २०७९ बैशाख १५ गतेसम्म निष्कासन गरी बिक्री नभएको हकप्रद सेयर लिलाम बिक्री गर्न लागेको हो ।
सर्वसाधारण समूहको ४ लाख ४९ हजार ३ सय २८ कित्ता अविपरित हकप्रद सेयर लिलाम बिक्री गर्न लागेको कम्पनीले जनाएको छ । कम्पनीका अनुसार सेयर खरिदका लागि जेठ १८ गतेदेखि २६ गतेसम्म शिलबन्दी बोलपत्र पेश गर्न सकिनेछ ।
सेयरको न्यूनतम मूल्य एक सय रुपैयाँ तोकिएको छ । लगानीकर्ताले आवेदन दिँदा सो वा सो भन्दा बढी मूल्य अंकित गरी शिलबन्दी बोलपत्र पेश गर्न सक्नेछन् । लगानीकर्ताले न्यूनतम एक सय कित्तादेखि अधिकतम सबै हकप्रद सेयरका लागि बोलकबोल पेश गर्न सक्नेछन् ।
कम्पनीको सेयर निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ । लगानीकर्ताले कम्पनीको कार्यालय ट्रेड टावर, मुक्तिनाथ क्यापिटललको कार्यालय नारायणचौर र नक्साल र मुक्तिनाथ विकास बैंकको भक्तपुर, ललितपुर, इटहरी, इलाम, पोखरा, बुटवल, विराटनगर, वीरगंज, नारायणगढ, सुर्खेत, नेपालगंज, धनगढी तथा जनकपुर शाखा कार्यालयमा बोलपत्र पेश गर्न सक्नेछन् ।
.png)