ऊर्जा खबर
काठमाडौं । सगरमाथा हाइड्रो पावर र माइखोला हाइड्रो पावर कम्पनीले ७४ लाख कित्ता साधारण सेयर निष्कासन गर्ने भएका छन् । कम्पनीले आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन गर्न लागेका हुन् ।
सय रुपैयाँ अंकित ७४ करोड ९ लाख ५६ हजार ८ सय रुपैयाँ बराबरको ७४ लाख ९ हजार ५ सय ६८ कित्ता साधारण सेयर निष्कासन अनुमतिका लागि नेपाल धितोपत्र बोर्डमा आवेदन दिएको कम्पनीले जनाएको छ ।
सगरमाथाले इलाममा सञ्चालित ९.६ मेगावाटको सुपर माइ खोला जलविद्युत आयोजनाको स्थानीय र सर्वसाधारणका लागि ५४ लाख ८८ हजार कित्ता सेयर निष्कासन अनुमतिका लागि बोर्डमा आवेदन दिएको छ । आयोजनाले २०७७ जेठ २३ गते नियमीत विद्युत उत्पादन गरिरहेको छ ।
यस्तै, माइखोलाले इलाममै सञ्चालित ३ मेगावाटको सुपर माइ क्यासकेडको १९ लाख २१ हजार ५ सय ६८ कित्ता सेयर निष्कासन गर्ने तयारी गरेको छ । यसले पनि २०७७ असार ३१ गतेदेखि उत्पादन सुरु गरेको हो । यी दुवै कम्पनीले सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकेका छन् ।
.jpg)
