ऊर्जा खबर
काठमाडौं । विद्युतीय पोल सार्न बागेश्वरी फिडर अन्तर्गतको बेलासपुर ट्रान्सफर्मरको विद्युत सेवा मंगलबार (भोलि) सम्मका लागि काटिएको छ । नेपाल विद्युत प्राधिकरण नेपालगन्ज वितरण केन्द्रले सडकको पोल सार्नका लागि विद्युत सेवा काटेको छ ।
सानिमा बैंकदेखि बेलासपुर क्षेत्रमा सडकको पोल सार्ने कार्यका लागि सोमबार (आज) बिहान ११ बजेदेखि सेवा बन्द गरिएको केन्द्रले जनाएको छ । केन्द्रका अनुसार फिडरकाे विद्युत सेवा भोलि पनि अवरुद्ध हुनेछ । अवरुद्ध विद्युत सेवा भाेलि साँझ ५ बजेबाट नियमित गरिनेछ ।
केन्द्रले आइतबार (हिजो) पनि सेवा बन्द गरेर पोल सार्ने काम गरेको थियो । सेवा बन्द हुँदा बेलासपुर ट्रान्सफर्मरबाट वितरण हुने क्षेत्र प्रभावित भएकाे छ । पाेल सार्ने कार्य चाँडै सकिएमा तोकिएको समयअगावै सेवा सुरु गर्ने पनि केन्द्रले जनाएको छ ।
