ऊर्जा खबर
काठमाडौं । मन्दाकिनी हाइड्रो पावर लिमिटेडले ५ लाख कित्ता सेयर आवेदन खुल्ला गरेको छ । कम्पनीले अायोजना प्रभावित स्थानीयका लागि छुट्याएको साधारण सेयर आवेदन खुल्ला गरेकाे हो ।
सय रुपैयाँ अंकित ५ करोड ८८ लाख ३ हजार ७ सय रुपैयाँ बराबरको ५ लााख ८८ हजार ३७ कित्ता साधारण सेयर निष्कासन गरेको कम्पनीले जनाएको छ । कम्पनीका अनुसार जारी पूँजी ५८ करोड ८० लाख ३६ हजार ९ सय रुपैयाँको १० प्रतिशत अर्थात ५ करोड ८८ लाख ३ हजार ७ सय रुपैयाँ कित्ता सेयर निष्कासन गरिएकाे छ।
कम्पनीले आयोजना प्रभावित क्षेत्र कास्की जिल्लाको माछापुच्छ्रे गाउँपालिका वडा नम्बर २,३,४ र ६ (साविकको सार्दिखोला गाविस, घाचोक गाविस, गाहाचोक गाविस र धिताल गाविसका वासिन्दाका लागि छुट्याएको सेयर निष्कासन गरेकाे छ ।
स्थानीयले छिटोमा असार १५ गतेसम्म र ढिलोमा आसार ३० गतेसम्म आवेदन दिन पाउनेछन् । आवेदकले न्यूनतम १० कित्तादेखि अधिकतम १० हजार कित्ता सम्मका लागि आवेदन दिन सक्नेछन् ।
कम्पनीको सेयर निष्कासन तथा बाँडफाँड गर्न बिओके क्यापिटल लिमिटेडलाई बिक्री प्रबन्धक तोकिएको छ । कम्पनीले कास्की जिल्लाको सार्दी खोलामा रहेको ४ मेगावाटको सार्दी खोला जलविद्युत केन्द्रले २०७४ मंसिर २३ गतेदेखि निरन्तर विद्युत उत्पादन गरिरहेको छ ।
.jpg)