ऊर्जा खबर
काठमाडौं । विद्युत विकास विभागले अध्ययन पुरा भएका ९०४१ मेगावाटका आयोजनालाई उत्पादन अनुमतिपत्र दिएको छ । विभागले देशका विभिन्न स्थानमा पहिचान भएकाे आयोजनालाई उत्पादन अनुमतिपत्र दिएको हो ।
विभागका अनुसार ६ वटा प्रदेशमा आयाेजना निर्माण गर्न अनुमति दिइएकाे छ । कोशी प्रदेश, बागमती प्रदेश, गण्डकी प्रदेश, लुम्बिनी प्रदेश, कर्णाली प्रदेश र सदूरपश्चिम प्रदेशमा पहिचान भएको आयोजनाकाे नाममा उत्पादन अनुमति जारी भएकाे विभागकाे तथ्यांकमा छ ।
कोशी प्रदेशमा २९८७ मेगावाट, बागमती प्रदेशमा २४४५ मेगावाट, गण्डकी प्रदेशमा २४२४ मेगावाट, लुम्बिनी प्रदेशमा ५५ मेगावाट, कर्णाली प्रदेशमा ९२३ र सूदुरपश्चिमा प्रदेशमा २०७ मेगावाटका आयोजनालाई उत्पादन अनुमति पत्र दिएको तथ्यांकमा उल्लेख छ । मधेश प्रदेशमा भने कुनै आयाेजना पहिचान नभएकाे पनि विभागले जनाएकाे छ ।
विभागले ५ मेगावाटभन्दा मुनिका २१३ मेगावाटका आयाेजनालाई अध्ययन अनुमति दिएकाे छ । यसैगरी, ५ देखि १० मेगावाटसम्मका ३३३, १० देखि २५ मेगावाटसम्मका ११४, २५ देखि १०० मेगावाटसम्मका ३३३८, १०० देखि ५०० मेगावाटसम्मका ३११४ र ५०० मेगावाट भन्दा माथिका ९०० मेगावाटका आयाेजनालाई विद्युत उत्पादन गर्न अनुमति दिएकाे छ ।
.jpg)
