ऊर्जा खबर
काठमाडौं । सुपरमाई हाइड्रो पावर कम्पनी लिमिटेडले ५ करोड रुपैयाँ खुद नाफा कमाएको छ । कम्पनीले सार्वजनिक गरेको वित्तीय विवरण अनुसार आर्थिक वर्ष २०७९/८० दोस्रो त्रैमाससम्ममा सो नाफा कमाएको हो ।
साउनदेखि माघसम्मकाे अवधिमा ५ करोड १ लाख ८४ हजार ३९ रुपैयाँ खुद नाफा कमाएको कम्पनीले जनाएको छ । कम्पनीका अनुसार गत वर्ष आव २०७८/७९ को यही समयअवधिकाे तुलनामा भने कम्पनीको नाफा घटेको हो । गत वर्ष ७ करोड ५० लाख ४१ हजार १ सय ७७ रुपैयाँ नाफा कमाएको थियो ।
यसैगरी, विद्युत बिक्रीबाट हुने आम्दानी घटेकोले कम्पनीको खुद नाफा पनि घटेकाे हाे । गत वर्ष १४ करोड ८६ लाख ६६ हजार ३ सय ७४ रुपैयाँ आम्दानी गरेको यस कम्पनीले यस आवमा १३ करोड ९३ लाख ३९ हजार ८ सय ९२ रुपैयाँ आम्दानी गरेको छ । मौसम प्रतिकुल भई उत्पादनमा कमी आएकोले बिद्युत बिक्री आम्दानीमा कम भएको कम्पनीले जनाएको छ ।
कम्पनीको इलाममा सञ्चालित ७.८ मेगावाटको सुपर माई जलविद्युत आयोजनाले २०७५ कार्तिक ११ गतेदेखि निरन्तर विद्युत उत्पादन गरिरहेको छ ।
