ऊर्जा खबर
काठमाडौँ । सरकार गठन भएर ऊर्जा, जलस्रोत तथा सिँचाइ मन्त्रालयकाे जिम्मेवारी दीपक खड्काले सम्हालेयता १०० दिनमा मन्त्रालय अन्तर्गतको विद्युत् विकास विभागले विद्युत्काे उत्पादन, सर्वेक्षण, प्रसारण र वितरण अनुमति पत्र जारी गर्ने कार्यमा उल्लेख्य प्रगति गरेको देखिएको छ ।
यस अवधिमा विभागले १२ वटा जलविद्युत् आयोजनाको आयोजनाको कूल ३५३.२ मेगावाट(मेवा) र २ वटा सौर्य ऊर्जा आयोजनाको १७.३ मेवा गरी १४ वटा आयोजनाको कुल ३७०.५ मेवा विद्युत् उत्पादनका लागि उत्पादन अनुमतिपत्र जारी गरेको विभागले जनाएकाे छ ।
यस अवधिमा विभागले जलविद्युत्तर्फ ७ वटा आयोजनाको कूल ६९.२ मेवा, सौर्य ऊर्जातर्फ २ वटा आयोजनाको कूल ४० मेवा र वायू ऊर्जातर्फ १ आयोजनाको कूल १० मेवा गरी कूल १० वटा आयोजनाको ११९.२ मेवा विद्युत उत्पादनका लागि सर्वेक्षण अनुमतिपत्र जारी गरेको विभागका महानिर्देशक नवीनराज सिंहले जानकारी दिए ।
उनका अनुसार प्रसारण लाईनतर्फ ३३ केभी क्षमताको ५६.४५ सर्किट किमी, १३२ केभी क्षमताको २१०.९५ सर्किट किमि, २२० केभी क्षमताको १२५.१ सर्किट किमी, ४०० केभी क्षमताको २९.३७ सर्किट किमि गरी कूल २२ वटा विद्युत् प्रसारणको सर्वेक्षण अनुमतिपत्र जारी गरेको छ ।
त्यस्तै, प्रसारण लाईनतर्फ ३३ केभीको २३.५ सर्किट किमि, १३२ केभीको १९.८ सर्किट किमि, २२० केभीको १२.१ सर्किट किमि, ४०० केभीको ५ सर्किट किमि गरी कूल ७ वटा विद्युत् प्रसारण अनुमतिपत्र जारी गरेको छ ।
वितरण लाईनतर्फ ३३ केभीको ८३ सर्किट किमि हुने गरी ७ वटा विद्युत् वितरण अनुमतिपत्र जारी गरेको छ ।
.jpg)
