ऊर्जा खबर
काठमाडौं । ग्रीन भेन्चर्स लिमिटेडको सेयर आवेदन खुल्ला भएको छ । कम्पनीले रामेछापमा निर्माण सम्पन्न जलविद्युत आयोजनाको सर्वसाधारणका लागि छुट्याएको साधारण सेयर आवेदन खुल्ला गरेको हो ।
सय रुपैयाँमा अंकित ३१ करोड २५ लाख रुपैयाँ बराबरको ३१ लाख २५ हजार कित्ता साधारण सेयर निष्कासन गरिएको कम्पनीले जनाएको छ । कम्पनीका अनुसार निष्कासित सेयरमध्ये ९३ हजार ७ सय ५० कित्ता अर्थात ५ प्रतिशत सेयर कर्मचारीहरुका लागि सुरक्षित गरिएको छ ।
यस्तै, १ लाख ५६ हजार २ सय ५० कित्ता अर्थात ५ प्रतिशत सेयर सामुहिक लगानी कोषका लागि सुरक्षित गरिएको छ । बाँकी, २८ लाख ७५ हजार कित्ता सेयरका लागि सर्वसाधारणले आवेदन दिन पाउने कम्पनीले जनाएको छ ।
सर्वसाधारणले न्यूनतम १० कित्तादेखि अधिकतम ५० हजार कित्तासम्मका लागि आवेदन दिन पाउनेछन् । सर्वसाधारणले छिटोमा ११ गतेसम्म र ढिलोमा २२ गतेसम्म आवेदन दिन पाउनेछ ।
कम्पनीले सेयर निष्कासन गरी बाँडफाँड गर्न लक्ष्मी क्यापिटल मार्केट लिमिटेडलाई बिक्री प्रबन्धक तोकेको छ । कम्पनीले यसअघि पनि स्थानीयका लागि सेयर निष्कासन गरी बाँडफाँड गरीसकेको छ । कम्पनीले निर्माण सम्पन्न गरेको आयोजना सञ्चालनमा छ ।
