ऊर्जा खबर
काठमाडौं । बाग्लुङको कुस्मिसेरामा १.५ मेगावाटको ठेउले खोला जलविद्युत आयोजना निर्माण गरी सञ्चालनमा ल्याएको बाराही हाइड्रो पावर पब्लिक लिमिटेडले साढे ५ लाख कित्ता सेयर निष्कासन गर्ने भएको छ । कम्पनीले सर्वसाधारणका लागि छुट्याएको साधरण सेयर मंसिर २१ गतेबाट निष्कासन गर्न लागेको हो ।
सय रुपैयाँ अंकित ५ करोड ५४ लाख रुपैयाँ बरारबर ५ लाख ५४ हजार कित्ता सेयर निष्कासन गर्न लागेको कम्पनीले जनाएको छ । स्थानीयआवेदन प्राप्त नभएको बाँकी १ लाख ४ हजार कित्ता र सेयरसहित सर्वसाधरणका लागि ५ लाख ५४ हजार कित्ता सेयर निष्कासन गर्ने भएको हो ।
सर्वसाधरणका लागि निष्कासन गर्न लागेको सेयरमध्ये ५ प्रतिशत हुन आउने अर्थात २७ हजार ७ सय कित्ता सेयर सामूहिक लगानी कोषको लागि बाँडफाँड गरिएको र २ प्रतिशत हुन आउने अर्थात ११ हजार ८० कित्ता सेयर कर्मचारीका लागि छुट्याएको छ । बाँकी ५ लाख १५ हजार २ सय २० कित्ता सेयर सर्वसाधरण्का लागि निष्कासन गरिनेछ ।
सर्वसाधरणले न्यूनत्तम १० कित्ता सेयर १० हजार कित्ता सम्म आवेदन दिन पाउनेछन् । आवेदकले छिटोमा मंसिर २६ गतेसम्म र ढिलोमा पुष ६ गते सम्म आवेदन दिन सक्नेछन् ।
कम्पनीको सेयर निष्कासन गरी बाँडफाँड गर्न एनआईबिएल एस क्यापिटल लिमिटेडलाई बिक्री प्रबन्धक तोकिएको छ । बाग्लुङमा सञ्चालित ठेउले खोला जलविद्युत आयोजनाले २०७५ असार २४ गतेदेखि निरन्तर विद्युत उतपादन गरिरहेको छ ।
.jpg)
