ऊर्जा खबर
काठमाडौं । अरुण भ्याली हाइड्रो पावर डेभलपमेन्ट कम्पनी लिमिटेडले ८ प्रतिशत बाेनस सेयर पारित गर्न साधारण सभा आह्वान गरेको छ । कम्पनीको माघ २ गते बसेको सञ्चालक समितिको बैंठकले बाेनस सेयर पारित गर्न २५औं साधारणसभाको मिति तय गरेको हो ।
आर्थिक वर्ष २०७८/७९ सम्मको संचित मुनाफाबाट हाल कायम चुक्ता पूँजीको ८ प्रतिशतले हुन आउने रकम बराबरको बोनस सेयर वितरण गर्ने प्रस्ताव साधारणसभाले पारित गर्ने कम्पनीले जनाएको छ । कम्पनीका अनुसार ०.४२१ प्रतिशत नगद लाभांस वितरण गर्ने प्रस्ताव पनि पारित हुनेछ ।
यस्तै, साधारणसभामा कम्पनीले निर्माण गर्न लागेको १४.५० मेगावाटको बुदुम खोला जलविद्युत आयोजनाको लागि ऋण स्वीकृत गरिने कम्पनीले जनाएको छ ।
आव २०७८/७९ को वासलात, नाफा नोक्सान हिसाब र नगद प्रवाह विवरण लगायतका वित्तिय विवरणहरूमा छलफल गरी पारित हुनेछ । आव २०७९/८० का लागि लेखापरिक्षक नियुक्त गरी निजको पारिश्रमिक निर्धारण हुनेछ ।
साधारणसभा माघ २७ गते (शुक्रबार) ११ बजे इन्द्रणी कम्प्लेक्समा हुनेछ । यो कम्पनीको ३ मेगावाटको पिलुवा खोला, ९.८४ मेगावाटको काबेली बी-१ क्यासकेड निर्माण गरी सञ्चालनमा छ ।
