विद्युत् विधेयक २०८० माथि पूर्वाधार विकास समितिमा दफावार छलफल हुँदै

काठमाडौँ । पूर्वाधार विकास समितिमा विद्युत् विधेयक, २०८० माथि संशोधनसहित बुधबार दफाबार छलफल भइरहेको छ । ऊर्जा, जलस्रोत तथा सिँचाइ मन्त्री दीपक खड्काको सहभागितामा विधेयकमाथि छलफल चलिरहेको हो । 

विद्युत् ऐन २०४९ लाई प्रतिस्थापन गर्ने गरी विद्युत् विधेयक संसदमा लगिएको लामो समय भए पनि विवादका कारण हालसम्म पारित हुन सकेको छैन । पछिल्लो विद्युत् विधेयक २०८० पूर्व ऊर्जा, जलस्रोत तथा सिँचाइ मन्त्री शक्तिबहादुर बस्नेतले २०८० साल भदौ २७ गते संसदमा दर्ता गराएका थिए । उक्त विधेयक संसदमा पेश भएपछि संसदको पूर्वाधार विकास समितिमा छलफल चल्दै आएको छ । 

खास गरी विद्युत् विधेयकका व्यवस्थाले स्वदेशी जिनी ऊर्जा प्रवर्द्धकहरूलाई निरुत्साहित गर्न खोजेको भन्दै स्वतन्त्र ऊर्जा उत्पादकहरूको संस्था, नेपाल (इपान) ले विरोध गर्दै आएको थियो । विधेयक संशोधन गरेर मात्र संसदबाट पारित गर्नुपर्ने इपानको माग रहँदै आएको छ ।