ऊर्जा खबर
.jpg)
काठमाडौं । नेपाल धितोपत्र बोर्डले अप्पर सोलु हाइड्रो इलेक्ट्रिक कम्पनीलाई करिब ३३ लाख कित्ता सेयर निष्कासन अनुमति दिएको छ । बोर्डले आयोजना प्रभावित स्थानीय र सर्वसाधारणका लागि छुट्याएको सेयर निष्कासन अनुमति दिएको हो ।
सय रुपैयाँमा अंकित ३३ करोड ७ लाख ५० हजार रुपैयाँ बराबरको ३३ लाख ७ हजार ५ सय कित्ता साधारण सेयर निष्कासन अनुमति पाएको कम्पनीले जनाएको छ । कम्पनीको सेयर निष्कासन गरी बाँडफाँड गर्न एनएमबी क्यापिटल लिमिटेडलाई बिक्री प्रबन्धक तोकिएको छ ।
निष्कासन हुने सेयरमध्ये १३ करोड ५० लाख रुपैयाँ बरात्रबरको १३ लाख ५० हजार कित्ता आयोजना प्रभावित स्थानीयका लागि छुट्याइएको छ । बाँकी १९ लाख ५७ हजार ५ सय कित्ता सर्वसाधारणका लागि छुट्याइएको कम्पनीले जनाएको छ ।
पहिलो चरणमा आयोजना प्रभावित स्थानीयका लागि सेयर निष्कासन गरी बाँडफाँड गरिनेछ । दोस्रो चरणमा सर्वसाधारणका लागि सेयर निष्कासन गरीनेछ ।
कम्पनीकाे सोलुखुम्बुमा २३.५ मेगावाटको सोलु खोला सञ्चालनमा छ । आयोजनाको काम २०७६ मा पूरा भएर पनि १३२ केभी सोलु कोरिडोर तयार नहुँदा ३३ केभी लाइन मार्फत वैकल्पिक रुपमा राष्ट्रिय प्रसारण प्रणालीमा जोडिएको थिय । अहिले लाइन निर्माण पूरा भएपछि आयोजना पूर्ण क्षमतामा सञ्चालनमा छ ।
