ऊर्जा खबर
काठमाडौं । बरुण हाइड्रो पावर कम्पनी लिमिटेडको साढे ३ लाख कित्ता हकप्रद सेयर लिलामीमार्फत खुल्ला भएको छ । कम्पनीले आफ्ना सेयरधनीका लागि बिक्री खुल्ला गरेको सेयरमध्ये अवितरित ३ लाख ५५ हजार ६० कित्ता सेयर बिक्री खुल्ला गरेको हो ।
कम्पनीले भदौ ६ गतेदेखि शतप्रतिशत हकप्रद सेयर बिक्री खुल्ला गरेको थियो । २६ लाख ७९ हजार ७५ कित्ता हकप्रद सेयर बिक्री खुल्ला गरेकोमा २३ लाख २४ हजार १५ कित्ताका लागि मात्र आवेदन परेको थियो । त्यस समयभित्र आवश्यकता अनुसार सेयर नबिकेपछि कम्पनीले बाँकी रहेको सेयर लिलामीमार्फत बिक्रीमा ल्याएको हो ।
कम्पनीले खुल्ला गरेको लिलामी सेयरमा लगानीकर्ताले न्यूनतम १ सय कित्तादेखि अधिकतम सम्पूर्ण कित्ताका लागि आवेदन दिन पाउँनेछन् । आवेदकले बोलपत्र पेस गर्दा न्यूनतम सय रुपैयाँ वा सो भन्दा बढी बोलकबोल गर्नुपर्नेछ । लगानीकर्ताले कात्तिक २१ गतेसम्म आवेदन दिन पाउनेछन् ।
कम्पनीको संखुवासभामा ४.५ मेगावाटको हेवा खोला जलविद्युत आयोजना सञ्चालनमा छ । हेवा खोलालले २०६८ साउन २१ गतेदेखि नियमित विद्युतल उत्पादन गरिरहेको कम्पनीले जनाएको छ ।
.jpg)
