ऊर्जा खबर
काठमाडौँ । नेपाल विद्युत् प्राधिकरणले उपत्यकाका विभिन्न सहरमा विद्युतीय तार भूमिगत गर्ने काम तिव्र गतिमा अघि बढाएको छ । प्राधिकरण, आयोजना व्यवस्थापन निर्देशनाले काठमाडौँ उपत्यका मध्य तथा उत्तर वितरण प्रणाली सुदृढिकरण आयोजना अन्तर्गत भूगिमत लाइनको काम गरिरहेको हो ।
प्राधिकरणले विभिन्न क्षेत्रको विद्युत् सेवा बन्द गरी लाइन भूमिगत गरिरहेको छ । प्राधिकरण, महाराजगञ्ज वितरण केन्द्रले भूमिगत लाइनको काम गर्न माघ १३ गतेसम्म विद्युत् आपूर्ति अवरुद्ध गर्ने भएको छ । दैनिक ४ घण्टा सेवा बन्द गरेर काम भइरहेको छ ।
केन्द्र अन्तर्गतका क्षेत्रमा तार भूमिगत गर्न बालुवाटार, चुनिखेल, शिवपुरी, तारेभिर, गणेशस्थान, र महाराजगञ्ज–१ फिडरको सेवा बन्द गरेको छ । केन्द्रले आज (आइतबार) बालुवाटार फिडर बन्द हुँदा महाराजगञ्ज मिनिसादेखि पञ्चकन्या स्कुलसम्मको क्षेत्र प्रभावित हुने जानकारी दिएको छ ।
यसैगरी, माघ ८ गते तारेभिर फिडर, माघ ९ गते चुनिखेल फिडर, माघ १० गते शिवपुरी फिडर, माघ ११ गते गणेशस्थान फिडर, माघ १२ गते महाराजगञ्ज–१ र माघ १३ गते चुनीखेल फिडरबाट वितरण हुने विद्युत् सेवा बन्द हुनेछ ।
