ऊर्जा खबर
काठमाडाैं । आन्तरिक प्रसारण प्रणालीमा सुधार ल्याउन निर्माण गरिएको सिन्धुली-कपिलाकोट ३३/११ केभी, ६/८ एमभीएको सबस्टेसन र बेए एक्सटेन्सनको निर्माण सम्पन्न भइ चार्ज गरिएकाे छ । यस आयाेजना अन्तर्गत सिन्धुलीमाडी-कपिलाकोट ३३/११ केभीको लाइन पनि निर्माण गरिएको हो ।
स्थानीय समस्याका कारण आयाेजना सञ्चालनमा आउन निकै बाधा रहेकाे तर कस्मिक इलेक्ट्रिकल इन्जिनियरिङ् एसोसिएट्स र सीआरइडीडीसी एनइएले संयुक्तरूपमा काम सम्पन्न गरेका छन् । २०७५ साल माघदेखि सुरु भएको काम कोरोन महामारीको प्रभावकाकारण सम्पन्न हुन केही बढी समय लागेकाे कम्पनीले जानकारी दिएकाे छ ।
सकारात्मक दृष्टिकोण सकारात्मक सोच र प्रयासले आगाडि बढ्ने हो भने जस्तोसुकै समस्या आइपरे पनि सफलता हासिल हुन्छ भन्ने कुरा पुष्ट भएको छ । ३३/११ क भी, ६/८ एमभीए सबस्टेसन र बेए एक्सटेन्सनका साथै निर्माण गरिएको ३३/११ क भीको प्रसारण लाइनमा ओभर हेड लाइन संगै भूमिगत लाइन पनि बिछ्याइएको छ ।
सिन्धुलीमाडीदेखि कपिलाकोटसम्म ३५ किलोमीटरको ओभर हेड लाइन तानिएको छ भने भूमिगत ३.५ किलोमीटर लाइन बिछ्याइएको छ। प्रसारण लाइन र सबस्टेसनसँगै सञ्चालनसँगै सिन्धुली, कपिलाकोट क्षेत्रका सर्वसाधारणले गुणस्तरीय विधुत सेवा पाउने, भोल्टेजमा स्थिरता हुने, प्रसारण लाइनमा चुहावट घट्ने र प्रसारण क्षमता सुदृढ हुने प्राधिकरणको दाबी छ ।
