सुपरमाई र माया खोला हाइड्रोको सेयर नेप्सेमा सूचीकृत

काठमाडौं । सुपरमाई हाइड्रो पावर लिमिटेड र माया खोला हाइड्रो पावर कम्पनी लिमिटेडको सेयर नेपाल स्टक एक्सचेन्ज (नेप्से) मा सूचीकृत भएको छ । सोमबार (चैत ६ गते) यी दुई कम्पनीको सेयर नेप्सेमा सूचीकृत भएको हो ।

सुपरमाई हाइड्रोको प्रभावितमा वितरण गरिएको १० प्रतिशत अर्थात ५ लाख कित्ता र वैदेशिक रोजगारीमा गएका नेपाली नागरिकका लागि वितरण गरिएको १० प्रतिशत अर्थात ५ लाख कित्ता र कम्पनीका संस्थापक सेयरधनीहरूले लगानी गरेको ८० प्रतिशत अर्थात ४० लाख कित्ता गरी जम्मा ५० लाख कित्ता सेयर नेप्सेमा सूचीकृत भएको हो । कम्पनीको इलाममा ७.८ मेगावाटको सुपर माई जलविद्युत आयोजना सञ्चालनमा छ ।

यसैगरी, माया खोला हाइड्रो पावर कम्पनी लिमिटेडको पनि १ करोड कित्ता सेयर सूचीकृत भएको छ । कम्पनीले प्रभावित स्थानियलाई वितरण गरेको १० प्रतिशत अर्थात १० लाख कित्ता सेयर, सर्वसाधारणलाई वितरण गरेको २४ प्रतिशत अर्थात २४ लाख कित्ता सेयर र कम्पनीका संस्थापकहरूले लगानी गरेको ६६ प्रतिशत अर्थात ६६ लाख कित्ता सेयर सूचीकृत भएको हो । कम्पनीको १४.९ मेगावाटका माया खोला जलविद्युत आयोजना सञ्चालनमा छ ।