ऊर्जा खबर
काठमाडौं । देशको विभिन्न ठाउँमा पहिचान भएको ६ जलविद्युत आयोजनाले अध्ययन अनुमतिका लागि विद्युत विकास विभागमा आवेदन दिएका छन् । निजी ऊर्जा प्रवर्द्धकले पहिचान गरेका उक्त आयोजनाले अध्ययन अनुमतिका लागि आवेदन दिएका हुन् ।
विभागमा अनुसार वैशाख र जेठमा २५२.५ मेगावाटका ६ जलविद्युत आयोजनाले अध्ययन अनुमतिका आवेदन दिएका हुन् । बैशाखमा २४७.५ मेगावाटका ५ र जेठमा ५ मेगावाट एक जलविद्युत आयोजनाले अध्ययन अनुमतिका लागि आवेदन दिएको विभागकाे तथ्यांकमा उल्लेख छ ।
आवेदन दिएका आयोजनामध्ये सबै भन्दा ठुलो २०३ मेगावाटको माथिल्लो बुढीगंगा जलविद्युत आयोजना रहेको छ । नबिल डेभलपर्स लिमिटेडले पहिचान गरेको यस आयोजनाले २०८० बैशाख २९ गते अध्ययन अनुमतिका लाग आवेदन दिएको थियो ।
यसैगरी, २३ मेगावाटको घातगंगा जलविद्युत आयोजनाले २०८० बैशाख ३ गते अध्ययन अनुमतिका लागि आवेदन दिएको छ । माइलस्टोन इनर्जी प्रालिले पहिचान गरेकाको उक्त आयोजनाको अध्ययन अनुमतिका लागि विभागमा आवेदन दिएको हो ।
एम ए इनर्जी भेन्चर्स प्रालिले १४.९ दरौडी मर्स्याङदीका लागि २०८० बैशाख ५ गते, दुर्गा लक्ष्मी इनर्जी लिमिटेडले सान्लो खोलाका लागि २०८० बैशाख ६ गते, र सिसा पावर लिमिटेडले २ मेगावाटको सिसा खोला–ए काे अध्ययन अनुमतिका लागि २०८० बैशाख २९ गते विभागमा आवेदन दिएका थिए । यसैगरी, ५ मेगावाटको भुरुण्डी खोलाले २०८० जेठ ७ गते अध्ययन अनुमतिका लागि आवेदन दिएको विभागको वेपसाइटमा उल्लेख छ ।
.jpg)
