ऊर्जा खबर
काठमाडौं । ६१.०२ मेगावाटको हुम्ला कर्णाली जलविद्युत आयोजना निर्माण हुने भएकाे छ । ऊर्जा जलस्रोत तथा सिंचाई मन्त्रालयले कर्णाली प्रदेश, हुम्ला जिल्लाको नाम्खा गाउँपालिका भएर वग्ने हुम्ला कर्णाली नदीको पानी प्रयोग गरी उक्त मेगावाटको आयोजना निर्माण गर्न प्रस्ताव गरेको हो ।
प्रस्तावित आयोजनाको लागि हुम्ला कर्णाली नदीको वारपार १० मिटर उचाईको बाँध निर्माण गरी नदीको पानीलाई करिब ६९४१.६५ मिटरको लामो सुरुङ र ४९१.३६ मिटर लामो पेनस्टक पाइपको माध्यम बाट नाम्खा गाउँपालिका वडा नम्बर ४ को ७ सय मिटर माथि हुम्ला कर्णाली नदीको भु–सतहमा अवस्थित विद्युत गृहमा खसालिनेछ । विद्युत उत्पादन गरी २४.८४ मिटर लामो टेलरेसको माध्यमबाट हुम्ला कर्णाली नदीमा पुन पानी खसालिनेछ ।
आयोजना निर्माण सम्बन्धित गाउँपालिका तथा वडाहरू र त्यस क्षेत्रका विद्यालय, अस्पताल, स्वस्थ्य चौकी, डिभिजन वन कार्यालयका प्रतिनिधि, सामुदाय, जन उपभोक्ता समूहका प्रतिनिधिहरू, स्थानीय महानुभावहरूमा पर्न सक्ने प्रतिकुल असरका विषयमा छलफल गर्न सार्वजनिक सुनुवाइ गर्न लागिएकाे छ ।
केन्द्रले प्रस्तावित आयोजनाको सार्वजानिका सुनुवाई कात्तिक २९ गते (मंगलवार) विहान ११ बजे सामुदायिक भवन यांगर नाम्खा गाउँपालिकामा गर्ने भएको छ । परामर्शदाता हाइड्रो कन्सल्ट इन्जिनियरिङ्ग लिमिटेड, सिमेन्ट कन्सल्टेन्ट प्राली र प्रोफेसनल नेटर्क प्रालि रहेको छ ।
