ऊर्जा खबर
काठमाडौं । शिभश्री हाइड्रो पावर कम्पनी करिब २९ करोड रुपैयाँ घाटामा छ । कम्पनीले सार्वजनिक गरेको अर्थिक वर्ष २०७८/७९ को तेस्रो त्रैमासको वित्तिय विवरण अनुसार कम्पनी घाटामा देखिएको हो ।
चैतसम्मको अवधिमा कम्पनी २८ करोड ९० लाख ४९ हजार ३ सय १३ रुपैयाँ घाटामा रहेको वित्तिय विवरणमा उल्लेख छ । २२.२ मेगावाट क्षमताकाे अायाेजनाले विद्युत उत्पादन गरेकाे १ वर्ष वितीसक्दा पनि कम्पनी करिब २९ कराेड घाटामा छ ।
कम्पनीले यस अवधिमा २२.२ मेगावाटको माथिल्ला चाकु ‘ए’ जलविद्युत केन्द्रको विद्युत बिक्री गरी १७ करोड ९२ लाख २३ हजार ४ सय १५ रुपैयाँ आम्दानी गरेको छ । यस्तै, अन्य स्रोतबाट १० करोड रुपैयाँ आम्दानी गरेको कम्पनीले जनाएको छ ।
कम्पनीकाे आयाेजनाले २०७८ जेठ १ गतेदेखि निरन्तर विद्युत उत्पादन गरिरहेको छ । २०६९ बाट निर्माण सुरु भएको आयोजना २०७१ को जुरे पहिरो, २०७२ को विनाशकारी भूकम्प, भारतीय नाकाबन्दी र बर्खामा आउने बाढीका कारण पटक–पटक प्रभावित भएको थियो ।
आयोजनामा सिटिजन्स इन्टरनेशनल बैंकको अगुवाईमा ११ बैंक तथा वित्तिय संस्थाले ऋण लगानी गरेका छन् । सुरुमा ४ अर्ब ३ करोड रुपैयाँमा आयोजना सम्पन्न हुने अनुमान गरिए पनि पटक–पटकको प्राकृतिक प्रकोपका मारमा परेका कारण लागत केही बढेको हो ।
