ऊर्जा खबर
काठमाडौं । नेपाल विद्युत प्राधिकरण गौर वितरण केन्द्रले ३३/११ केभी गौर सबस्टेसनबाट वितरण हुने विद्युत सेवा आज (शुक्रबार) ५ गतेदेखि ९ गतेसम्मका लागि बन्द गरेको छ । केन्द्रले विद्युतीय पोलहरु स्थान्तरण गर्नका लागि ५ दिन विद्युत सेवा बन्द गरेको हो ।
गौर देखि मत्सरी खण्डको सडक विस्तार भईरहँदा सो सडकको सिमा भित्र पर्ने विद्युतीय पोलहरु स्थान्तरण गर्नका लागि सेवा बन्द गर्न परेको केन्द्रले जनाएको छ । केन्द्रका अनुसार उक्त सबस्टेसनबाट सञ्चालन भएको पुरेन्वा फिडर अन्तर्गत रहेको सिर्सिया, हजमिनिया, बसतपुर, पथरा, पताही, मुडवलवा र राजदेवीमा सेवा बन्द गरी काम सुरु गरेको हो ।
विद्युत दैनिक बिहान १०ः३० देखि बेलुकी ७ बजेसम्म बन्द हुनेछ । तोकिएको समयअगावै काम सम्पन्न भए निर्धारित समयअगावै सेवा सुरु गरिने पानि केन्द्रले जनाएको छ ।
