ऊर्जा खबर
काठमाडौं । नेपाल विद्युत प्राधिकरणले प्रशासन र लेखातर्फका गरी १४३ जना कर्मचारीको सरुवा गरेको छ । कात्तिक २९ गते भएको निर्णयअनुसार १० तह (सह–निर्देशक) देखि ४ तहसम्मका कर्मचारीको सरुवा गरिएको हो ।
लेखातर्फ २ जना सह–निर्देशक सहित ७४ जनाको सरुवा गरिएको छ । सरुवा हुनेमा गण्डकी प्रादेशिक कार्यालय पोखरामा कार्यरत खिमानन्द चौधरी र अर्थ महाशाखामा कार्यरत भरतकुमार पौडेलको सरुवा गरिएको छ । चौधरीलाई वित्तीय योजना तथा लगानी महाशाखा र पौडेललाई अवकास कोष व्यवस्थापन महाशाखामा सरुवा गरिएको प्राधिकरणले जनाएको छ ।
यस्तै, लेखातर्फ नै ९ तह का वरिष्ठ चार्टड एकाउन्टेन्ट तीर्थराज न्यौपाने, उप–निर्देशकहरू अशोककुमार थापा, तोमलाल सुवेदी, दिनेशकुमार श्रेष्ठ, नारायणप्रसाद धिताल, रत्नकुमार श्रेष्ठ, र साधव भण्डारीको सरुवा भएको छ ।
लेखातर्फकै सरुवा हुने ८ तह (सहासक निर्देशक) का ५ जना कर्मचारी छन् । जनकप्रसाद दाहाल, टिकादत्त ढकाल, धनदत्त बजगाईं, रमेश खड्का र हरिओम अर्यालको सरुवा गरिएको छ । १० जना ७ तहका, १५ जना ६ तहका, ३२ जना ५ तह र ३ जना ४ तहका कर्मचारी विभिन्न कार्यालयमा सरुवा भएका छन् ।
प्राधिकरणका अनुसार प्रशासनतर्फ ६९ कर्मचारीको सरुवा गरिएको छ । जसमा २ जना उप– निर्देशक (९ तह) छन् । सरुवा हुने उप–निर्देशकमा जमुनाकुमारी खड्का छिन् । उनलाई योजना अनुगमन तथा सूचना प्रविधि निर्देशनालयबाट उत्पादन निर्देशनालयमा सरुवा गरिएको छ ।
अर्का उप–निर्देशक लिलाकुमारी अर्याललाई बागमति प्रादेशिक कार्यालय काठमाडौं प्रशासनबाट पदपूर्ति विभागमा सरुवा गरिएको छ । ८ तह (सहायक निर्देशक) का अनिता सुवेदी र श्री रामप्रसाद पोखरेलको पनि सरुवा गरिएको छ ।
जनसम्पर्क तथा गुनासो व्यवस्थापन शाखामा कार्यरत सुवेदीलाई बागमति प्रादेशिक कार्यालय र पोखरेललाई बागमति प्रदेश, प्रदेश डिभिजन कार्यालय हेटौंडाबाट लुम्बिनी प्रादेशिक कार्यालय बुटवलमा सरुवा गरिएको प्राधिकरणले जनाएको छ ।
यस्तै, ७ तह (प्रशासकीय अधिकृत) ११ जनाको सरुवा गरिएको छ । सरुवा हुने ६ तह (सहायक प्रशासकीय अधिकृत) १४ जना, ५ तहका ३५ जना र ४ तहका ५ जनाको सरुवा गरिएको प्राधिकरणले जनाएको छ । प्राधिकरणले एउटै कार्यालयमा २ वर्ष अवधि पूरा गरेका कर्मचारीको नियमितरूपमा सरुवा गर्ने गरेको छ ।
